SINGLE POST

ជំងឺរលាកក្រពេញប្រូស្តាត គឺជាជំងឺមួយដែលទាក់ទងនឹងការរលាកនៃក្រពេញប្រូស្តាត ដែលអាចប៉ះពាល់ដល់បុរសគ្រប់វ័យ។ នេះជារឿងសំខាន់ចំនួនប្រាំដែលត្រូវដឹងអំពីជំងឺរលាកក្រពេញប្រូស្តាត៖

1. ប្រភេទនៃជំងឺរលាកក្រពេញប្រូស្តាត: មានបួនប្រភេទសំខាន់ៗ៖
– រលាកក្រពេញប្រូស្តាតដោយបាក់តេរីស្រួចស្រាវ: ការឆ្លងមេរោគបាក់តេរីភ្លាមៗដែលសម្គាល់ដោយរោគសញ្ញាធ្ងន់ធ្ងរដូចជា គ្រុនក្តៅ ញាក់ និងឈឺចាប់ពេលនោម។
– រលាកប្រូស្តាតរ៉ាំរ៉ៃសោយបាក់តេរី: ការបង្កររោគរ៉ាំរ៉ៃដែលបង្ករអោយមានការរលាកផ្លូវតំរងនោមម្តងហើយម្តងទៀត។
– រលាកប្រូស្តាតរ៉ាំរ៉ៃ/រោគសញ្ញាការឈឺចាប់ក្នុងអាងត្រគាករ៉ាំរ៉ៃ (Chronic prostatitis/Chronic pelvic pain syndrome – CP/CPPS): ប្រភេទទូទៅបំផុតដែលកំណត់ដោយការឈឺចាប់រ៉ាំរ៉ៃ និងរោគសញ្ញានៃទឹកនោមដោយគ្មានការឆ្លងមេរោគបាក់តេរីច្បាស់លាស់។
– ជំងឺរលាកក្រពេញប្រូស្តាតដែលគ្មានរោគសញ្ញា: ការរលាកក្រពេញប្រូស្តាតដោយគ្មានរោគសញ្ញា ជារឿយៗត្រូវបានរកឃើញដោយចៃដន្យក្នុងអំឡុងពេល ការពិនិតជំងឺផ្សេងៗ។

2. រោគសញ្ញា: រោគសញ្ញាអាចប្រែប្រួលយ៉ាងទូលំទូលាយអាស្រ័យលើប្រភេទនៃជំងឺរលាកក្រពេញប្រូស្តាត។ រោគសញ្ញាទូទៅរួមមាន ឈឺអាងត្រគាក ពិបាកបត់ជើងតូច នោមញឹកញាប់ ការបញ្ចេញទឹកកាមឈឺចាប់ និងរោគសញ្ញាដូចជំងឺផ្តាសាយនៅក្នុងករណីស្រួចស្រាវ។

3. មូលហេតុ និងកត្តាហានិភ័យ: មូលហេតុពិតប្រាកដអាចប្រែប្រួលទៅតាមប្រភេទ។ ការបង្ករោគដោយបាក់តេរីបង្កឱ្យរលាកក្រពេញប្រូស្តាតបាក់តេរីស្រួចស្រាវ និងរ៉ាំរ៉ៃ។ ប្រភេទដែលមិនមែនជាបាក់តេរីអាចទាក់ទងនឹងបញ្ហាប្រព័ន្ធការពារ ការខូចខាតសរសៃប្រសាទ ឬភាពតានតឹង។ កត្តាហានិភ័យរួមមានការឆ្លងមេរោគផ្លូវទឹកនោម ការប្រើប្រាស់បំពង់បូមប្លោកនោមថ្មីៗនេះ របួសអាងត្រគាក និងកត្តារបៀបរស់នៅមួយចំនួនដូចជាភាពតានតឹង ឬសកម្មភាពផ្លូវភេទមិនទៀងទាត់។

4. រោគវិនិច្ឆ័យ: ការធ្វើរោគវិនិច្ឆ័យរួមមាន ការសាកសួរប្រវត្តិជំងឺ ការពិនិត្យរាងកាយ ដោយយកដៃលូករន្ធគូថ មានការធ្វើតេស្តឈាម និងអេកូ។ ការបណ្តុះមេរោគសារធាតុរាវក្រពេញប្រូស្តាតអាចត្រូវបានអនុវត្តដើម្បីកំណត់អត្តសញ្ញាណការឆ្លងមេរោគបាក់តេរី។

5. ជំរើសនៃការព្យាបាល: ការព្យាបាលប្រែប្រួលតាមប្រភេទ៖
– ជំងឺរលាកក្រពេញប្រូស្តាតដោយបាក់តេរីស្រួចស្រាវ: ជាធម្មតាត្រូវបានព្យាបាលដោយថ្នាំអង់ទីប៊ីយោទិច ថ្នាំបំបាត់ការឈឺចាប់ និងជួនកាលត្រូវសម្រាកនៅមន្ទីរពេទ្យសម្រាប់ករណីធ្ងន់ធ្ងរ។
– ជំងឺរលាកក្រពេញប្រូស្តាតដោយបាក់តេរីរ៉ាំរ៉ៃ: ព្យាបាលរយៈពេលវែង ជាធម្មតាត្រូវការថ្នាំអង់ទីប៊ីយោទិច។
– រលារប្រូស្តាតរ៉ាំរ៉ៃ/រោគសញ្ញាឈឺចាប់អាងត្រគាករ៉ាំរ៉ៃ (CP/CPPS): ការព្យាបាលអាចរួមបញ្ចូលថ្នាំផ្សំគ្នា (ដូចជាថ្នាំប្រឆាំងនឹងការរលាក ថ្នាំ alpha-blockers ឬថ្នាំអង់ទីប៊ីយោទិច ប្រសិនបើមានការសង្ស័យថាមានការឆ្លង) ការព្យាបាលដោយរាងកាយ ការគ្រប់គ្រងភាពតានតឹង និងការផ្លាស់ប្តូររបៀបរស់នៅ។
– រលាកក្រពេញប្រូស្តាតដោយគ្មានរោគសញ្ញា: ជារឿយៗមិនត្រូវការការព្យាបាលទេ លុះត្រាតែមានទំនាក់ទំនងជាមួយលក្ខខណ្ឌផ្សេងៗ។