SINGLE POST

តើអ្វីទៅជាការប្តូរតំរងនោម?

ការប្តូតំរងនោមគឺជាទម្រង់ការវះកាត់ដែលធ្វើឡើងដោយជំនួសជាមួយតំរងនោមដែលឈឺជាមួយតំរងនោមដែលល្អពីមនុស្សផ្សេងទៀត។ តំរងនោមបានមកពីអ្នកផ្តល់ឲ្យនូវសរីរាង្គរបស់អ្នកស្លាប់ ឬអ្នកផ្តល់ឲ្យដែលមានជីវិតរស់នៅ។ សមាជិកគ្រួសារដែលមានតំរងនោមត្រួវល្អដែលអាចបរិច្ចាកផ្តល់ឲ្យនូវតំរងនោមម្ខាងរបស់ពួកគេ។ ការផ្លាស់ប្តួរបៀបនេះត្រួវបានហៅថាការប្តួតំរងនោមតាមរបៀបមានជីវិត។ មនុស្សដែលអាចបរិច្ចាកតំរងនោមអាចរស់នៅមានសុខភាពល្អដូចមនុស្សដែលមានតំរងនោមពេញលេញ។ មានផលប្រយោជន៍ខ្លះចំពោះការប្តូរតំរងនោមរបស់អ្នកបរិច្ចាកដែលមានជីវិតបើប្រៀបធៀបចំពោះការប្តូរតំរងនោមរបស់អ្នកបរិច្ចាកដែលគ្មានជីវិត។​ ទាំងនោះរួមមាន៖

• មានការរង់ចាំរយៈពេលខ្លី។
• មានអត្រាជោគជ័យខ្ពស់ជាង។
• ការវះកាត់អាចត្រួវបានរៀបចំជាមុន ដែលអនុញ្ញាតឲ្យអ្នកទទួល និងអ្នកបរិច្ចាកមានសុខភាពល្អបំផុត។

តើការប្តូរតំរងនោមត្រូវធ្វើដោយរបៀបណា?

វេជ្ជបណ្ឌិតវះកាត់កាត់តំរងនោមរបស់អ្នកបរិច្ចាកនៅផ្នែកចំហៀងម្ខាងពោះផ្នែកខាងក្រោម និងភ្ជាប់ជាមួយសសៃឈាម អាក់ទែ និងវ៉ែននៃតំរងនោមដែលត្រូវប្តូរទៅនឹងសរសៃឈាមរបស់អាងត្រគាករបស់អ្នក។ ជាធម្មតាវេជ្ជបណ្ឌិតវះកាត់ត្រូវចំណាយពេល៣ម៉ោងសម្រាប់ទម្រង់ការនេះ។ ការវះកាត់មានដូតតទៅនេះ លោកអ្នកនឹងត្រួវបានដាក់សុងទឹកនោមដើម្បីបង្ហួរទឹកនោមចេញពីប្លោកនោម។ ជាធម្មតា សុងទឹកនោមត្រូវដកចេញបន្ទាប់ពីដាក់បាន​៥ថ្ងៃហើយ។

ហេតុអ្វីវាត្រូវធ្វើ?

ភាគច្រើន​ ការផ្លាស់ប្តូរតំរងនោមចាប់ធ្វើការយ៉ាងឆាប់រហ័ស និងកម្រិតរបស់មុខងារតំរងនោមត្រឡប់មកធម្មតាវិញនៅអំឡុងត្រឹមតែប៉ុន្មានសប្តាហ៍ប៉ុណ្ណោះ។ មានការប្តូរតំរងនោមតិចតួចទេដែលនឹងចាប់ផ្តើមធ្វើការយឺត។ នៅពេលដែលមានហេតុការណ៏នេះកើតឡើង ការលាងឈាមចាំបាច់ត្រួវធ្វើរហូតដល់តំរងនោមចាប់ផ្តើមមានមុខងារល្អវិញ។

កក្តាប្រឈម និងផលវិបាក

លោកអ្នកប្រហែលជាបានគិតរួចហើយអំពីលទ្ធផលល្អនៃការទទួលតំរងនោមថ្មី៖ ជាការពិត អ្នកនឹងមានពេលវេលាបន្ថែមទៀតប្រសិនបើអ្នកមិនត្រូវការលាងឈាម។ ក្តីសង្ឃឹមថាអ្នកអាចត្រឡប់ទៅធ្វើការបាន ប្រសិនបើអ្នកមិនមានលទ្ធភាពទៅធ្វើការបានទេនៅពេលនេះ។ ប៉ុន្តែ ប្រហែលជាអ្នកនឹងមានអារម្មណ៏ប្រសើរឡើង និងមានកម្លាំងថែមទៀត។ អ្នកនឹងមិនមានការហាមឃាត់ក្នុងការញាំសារធាតុរាវតទៅទៀតឡើយ ហើយអ្នកអាចមានលទ្ធភាពញាំអាហារខ្លះៗពីមុន តែឥឡូវនេះមិនត្រូវបានហាមឃាត់ទៀតឡើយ។ ទាំងអស់នេះគឺជាការទាក់ទាញ!

ប៉ុន្តែ កត្តាប្រឈមពិតជាមានយ៉ាងច្បាស់។ ដំបូងគឺការវះកាត់ដែលរួមបញ្ចូលដោយការប្រើប្រាស់ការដាក់ថ្នាំសណ្តំ (ដើម្បីឲ្យគេង)។ ការបង្ករោគ ការវះកាត់បន្ត គឺជាផ្នែកប្រឈមដ៏ទៃទៀត។ ដូច្នេះប្រសិនបើមានផលវិបាកត្រូវបញ្ជូនត្រឡប់ទៅបន្ទប់វះកាត់។ ទោះបីមានការបង្ការដើម្បីកាត់បន្ថយកត្តាប្រឈមអស់ទាំងនេះត្រូវបានធ្វើឡើងក៏ដោយ ក៏វាអាចកើតមានដែរចំពោះការវះកាត់ធំ។ កត្តាប្រឈមដ៏ទៃទៀតដែលពាក់ព័ន្ធគឺថ្នាំដែលប្រើប្រាស់បន្ទាប់ពីការប្តួរតំរងនោមរួច។ បំណងរបស់ពួកគេគឺធ្វើឲ្យប្រព័ន្ធភាពស៊ាំរបស់អ្នកមានសកម្មភាពតិច ដូច្នេះរាងកាយរបស់អ្នកនឹងមិនបដិសេធន៍ចំពោះតំរងនោម។ ​ ការងារប្រព័ន្ធភាពស៊ាំរបស់អ្នកគឺសម្រាប់ប្រឆាំងទប់ទល់ជាមួយជំងឺ និងការបង្ករោគ។ នៅពេល “សមត្ថភាពការប្រឆាំង”  ​របស់វាត្រូវបានកាត់បន្ថុយដោយថ្នាំ ជំងឺ​​ និងការបង្ករោគអាចកើតឡើងបន្ថែមទៀតយ៉ាងងាយ។ ជួនកាល ថ្វីបើកម្រកើតមាន តែបើកើតមាន ជាលទ្ធផលអាចស្លាប់។

អ្នកជំងឺខ្លះមានបញ្ហាជាច្រើនដោយសារមានជំងឺបន្ថែមនៅលើការខ្សោយតំរងនោម។ អ្នកជំងឺខ្លះមានវ័យចំណាស់ និងខ្លះទៀតមិនទាន់ចាស់ប៉ុន្មានទេ ប៉ុន្តែមានជំងឺផ្សេងទៀតអាចឲ្យប្រឈមមុខកាន់តែខ្លាំងឡើងសម្រាប់ការប្តួរតំរងនោម។ ផ្នែកការវាយតម្លៃរួមមានការប្រឈមជាមួយទម្ងន់ និងភាពមានប្រយោជន៍ និងការកំណត់ថាតើភាពមានប្រយោជន៍មានទម្ងន់ធ្ងន់ជាងការប្រឈមឬទេ។

ជម្រើសផ្សេងទៀត

ខ្សោយតំរងនោម គឺជាស្ថានភាពមិនអាចព្យាបាលបាន។ ប៉ុន្តែ ឥឡួវទម្រង់ផ្សេងៗនៃការលាងឈាម យើងមានលទ្ធភាពជួយសង្រ្គោះជីវិតបានជាច្រើន​នៅពេលដែលវាស្ទើតែបាត់បង់ទៅហើយនោះ។ ការលាងឈាមមិនមែនជាការព្យាបាលសម្រាប់ការខ្សោយតំរងនោមនោះទេ ប៉ុន្តែវាប្រសើរជាងដោយការជំនួសនូវតំរងនោមធម្មតា។

ការទទួលយកបានរបស់បេក្ខជន

បច្ចុប្បន្ននេះ ការប្តូរតំរងនោម ត្រូវបានទទួលយកជាការព្យាបាលដ៏ល្អបំផុតសម្រាប់អ្នកជំងឺដែលមានជំងឺតំរងនោមនៅដំណាក់កាលចុងក្រោយ។ បើអ្នកស្វែងរកសម្រាប់ការប្តូរតំរងនោម អ្នកនឹងទទួលបានព័ត៌មានអំពីទិដ្ឋភាពផ្សេងៗនៃដំណើរការនៃការផ្លាស់ប្តូរ។ អ្នកនឹងទទួលបានព័ត៌មានមុនពេលការផ្លាស់ប្តូររបស់អ្នក​​ នៅពេលការគេងពេទ្យរបស់អ្នក និងក្រោយការផ្លាស់ប្តូរ ដើម្បីនិយាយឆ្លើយតបជាមួយសំណួរ និងការព្រួយបារម្មណ៍របស់លោកអ្នក។ ការបារម្មណ៍ជាច្រើនរបស់លោកអ្នកគឺជារឿងធម្មតាសម្រាប់អ្នកជំងឺទាំងអស់ដែលជ្រើសរើសវិធីសាស្ត្រក្នុងការប្តួរតំរងនោម។ វាជាទិសដៅរបស់យើងដើម្បីជួយលោកអ្នកក្នុងការផ្តល់ជម្រើសអំពីការផ្លាស់ប្តូរ។ យើងជឿជាក់ថា ព័ត៌មាននេះនឹងជួយលោកអ្នកឲ្យក្លាយទៅជាដៃគូសកម្មបន្ថែមទៀតក្នុងការព្យាបាល និងភាពជាសះស្បើយមកវិញរបស់លោកអ្នកបន្ទាប់ពីធ្វើការប្តូរតំរងនោមហើយ។